पोखरा ।
२० औँ आहा रारा गोल्डकपको दोस्रो दिन आज हिमालयन शेर्पा क्लब र नेपाल पुलिस क्लबबीच प्रतिष्पर्धा हुने भएको छ ।
हिजो देखि पोखरा रंगशालामा सुरु भएको आहा रारा गोल्डकप यहि माघ १५ गतेसम्म जारी रहनेछ । प्रतियोगिताको उद्घाटन खेलमा आयोजक सहारा क्लब र विभागीय टिम एपीएपबीच भएको थियो । सो खेलमा एपीएपले सहारालाई २–० ले हराउँदै विजयी यात्रा सुरु गरेको छ।
प्रतियोगितामा १० वटा टिम सहभागी रहेको छ। प्रतियोगिताको विजेताले १० लाख र उप–विजेताले ५ लाख रुपैयाँ प्राप्त गर्नेछन् ।
