नेपालगञ्ज ।
जहाज अवतरणमा ढिलाई भए पछि बुद्ध एयरमा सवार एक जना महिला यात्रु वेहोस भएकी छन् । जहाज ल्याण्ड भए पछि महिला यात्रु बेहोस अवस्थामा देखिएकी थिइन् । उनको राँझामा रहेको नेपाली सेनाको अस्पतालमा उपचारको लागि लगिाएको बाँके प्रहरीले जानकारी दिएको छ ।

काठमाडौंबाट ६९ यात्रु लिएर नेपालगञ्जका लागि उडेको बुद्ध एयरको कल साइन 9N–AJX को जहाज नेपालगञ्ज विमानस्थलमा पौने घन्टापछि मात्र अवतरण भएको थियो ।

बिहान ७ बजेर ४४ मिनेटमा काठमाडौंबाट उडेको जहाज ८ बजेर ४० मिनेटमा अवतरण हुनुपर्नेमा ९ बजेर १८ मिनेटमा नेपालगञ्ज अवतरण गरेको थियो ।