काठमाडौं ।
कोरोना संक्रमणको ग्राफ फेरि उकालो लाग्न थालेको छ ।
आज एकै दिन ह्वात्तै संक्रमणदर उकालो लागेको छ। आज देशभर ९६८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। मन्त्रालयको अनुसार १४ हजार ९७१ जनाको परीक्षण गर्दा उक्त संख्यामा संक्रमण पुष्टि भएको हो । आज एकै दिन सो संख्यामा संक्रमण पुष्टि भएसँगै पुन संक्रमणले भयावह स्थिती निम्त्याउन सक्ने देखिएको छ ।
पछिल्लो २४ घण्टामा २ सय ६२ जना संक्रमणमुक्त भएका छन् । हालसम्म ८ लाख १३ हजार ७०९ जना संक्रमणमुक्त भइसकेका छन् । हालसम्म ११ हजार ६०२ जनाको मृत्यु भइसकेको छ । आज कसैको मृत्यु भएको छैन ।
देशभर सक्रिय संक्रमित ५ हजार ७४१ जना छन् । २४ घण्टामा २ लाख ६३ हजार ३७१ जनाले कोभिडविरुद्धको खोप लगाएका छन् ।
आईसीयूमा ८१ र भेन्टीलेटरमा १५ जना उपचाररत छन् । होम आईसोलेशनमा ५ हजार २८६, संस्थागत आईसोलेसनमा ४५५ र क्वारेन्टाइनमा ११३ जना छन्
संक्रमणदर बढेसँगै मन्त्रालयले स्वास्थ्य मापदण्ड अपनाउन, सचेत र सर्तक रहन आग्रह गरेको छ। आज मात्रै नेपालमा नयाँ भेरियन्ट ओमिक्रोनको २४ जनामा संक्रमण पुष्टि भएको छ।
