काठमाडौं ।
कांग्रेस नेता गगन थापाले पार्टीमा नवनिर्वाचित सभापति शेरबहादुर देउवालाई बधाई दिएका छन् । सामाजिक सञ्जाल फेसबुकमा स्टाटस लेख्दै थापाले देउवालाई बधाई दिएका हुन् । थापाले देउवाले पार्टीलाई थिति र विधिमा चलाउने परम्पराको सुरुवात गर्ने आशा व्यक्त गरेका छन् ।
थापाले भनेका छन्, आदरणीय शेर बहादुर देउवाज्यू,पुन: सभापतिमा निर्वाचित हुनुभएकोमा हार्दिक बधाई१ आम कांग्रेसजनको एकताको अपेक्षालाई आत्मसात गर्दै पार्टीलाई थिति र विधिमा चलाउने परम्पराको सुरुआत गर्नु हुनेछ भन्ने अपेक्षा गर्छु।समुन्नत नेपालको अभियान र पार्टी रुपान्तरणका मुद्दामा सहकार्य हुने नै छ।
देउवासँग समुन्नत नेपालको अभियान र पार्टी रूपान्तरणका मुद्दामा सहकार्य हुने उनले बताएका छन् ।
थापाले यसअघि काँग्रेसमा नयाँ नेतृत्व अपरिहार्य रहेको बताएका थिए । हिजो भएको निर्वाचनमा उनले विवेक प्रयोग गरेर मतदान गर्न आग्रह गर्दै शेखर कोइरालालाई भोट दिन मतदातालाई अपिल गरेका थिए ।
