पोखरा ।

नेपाल हवाई खेलकुद संस्था (ना) पोखराले आफ्नो २० औं स्थापना दिवशको अबसरमा विभिन्न कार्यक्रम सम्पन्न गरेको छ ।

रक्तदान कार्यक्रम, बृद्धाआश्रममा न्यानो कपडा वितरण र मजदूरलाई न्यानो ज्याकेट वितरणका साथै प्याराग्लाइडिङको ल्यान्डिङ क्षेत्रमा सरसफाई कार्यक्रम सम्पन्न गरिएको ना पोखराका अध्यक्ष कृष्ण भण्डारीले जानकारी दिए ।

उनका अनुसार नेपाल रेडक्रस सोसाइटीको प्राविधिक सहयोगमा आयोजित रक्तदान कार्यक्रममा ६५ युनिट रगत संकलन भएको छ । संस्थाका सदस्य, पाइलट र कर्मचारीको सहभागितामा रक्तदान भएको हो ।

त्यसैगरी महतगौडामा रहेको बृद्धाआश्रममा ५० थान न्यानो ज्याकेट प्याराग्लाइडिङ मजदूरहरुलाई ४० थान न्यानो ज्याकेट वितरण गरिएको अध्यक्ष भण्डारीले बताए ।