पोखरा ।
हाल देशमा पश्चिमी वायुको सामान्य प्रभाव रहेको छ । हालप्रदेश १ र प्रदेश न २ लगायत अन्य प्रदेशका पहाडी भूभागमा आंशिक बदली र बाँकी भू-भागमा मौसम सामान्यतया सफा छ ।
जल तथा मौसम पूर्वानुमान महाशाखा अनुसार आज दिउँसो प्रदेश १, वागमती र गण्डकी प्रदेशको पहाडी भु-भागमा आंशिक देखि सामान्य बदली रही अन्य बाँकी भू-भागमा आंशिक बदली रहनेछ ।
प्रदेश १, बाग्मती प्रदेश र गण्डकी प्रदेशको उच्च पहाडी र हिमाली भू-भागको एक/दुई स्थानहरूमा हल्का हिमपातको सम्भावना छ ।
राति प्रदेश १ को पहाडी भू-भागमा आंशिक देखि सामान्य बदली रही देशका बाँकी भू-भागमा आंशिक बदली रहनेछ । प्रदेश १ को पहाडी भू-भागको एक/दुई स्थानहरूमा हल्का वर्षाको सम्भावना छ।
