काठमाडौं ।
नायिका करिश्मा मानन्धर कक्षा १२ को परीक्षा उत्तीर्ण भएकी छिन् ।
आज सार्वजनिक भएको उनले दुई विषयमा ए प्लस ग्रेड ल्याउँदै समग्र परीक्षा उत्तीर्ण गरेकी हुन् ।समग्रमा उनको २.४१ जीपीए आएको छ । राष्ट्रिय परीक्षा बोर्डले गत भदौ ३० गतेदेखि असोज ८ गतेसम्म सञ्चालन भएको परीक्षाको नतिजा प्रकाशित भएको थियो ।
नायिका मानन्धरले गोदावरीस्थित किटिनी माविबाट कक्षा १२ को परीक्षा दिएकी थिइन् ।कक्षा १२ नतिजा राम्रो आएकोमा खुसी व्यक्त गर्दै उनले अब पढाइलाई निरन्तरता दिने बताइन् ।
