पोखरा ।
उल्लेरी कप पोखरा २२ सेभेन ए साइड फुटबल प्रतियोगिता २०७८ हुने भएको छ ।
उल्लेरी युवा क्लबको आयोजनामा हुने यो प्रतियोगिता यहि मंसिर २२ गतेदेखि २५ गतेसम्म हुने क्लबले आज पत्रकार सम्मेलनमार्फत जानकारी दिएको छ ।
प्रतियोगिता पोखरा २२ उल्लेरीस्थित ब्याडचौरमा आयोजना हुनेछ । प्रतियोगितामा कास्की लगायत छिमेकी जिल्लाका गरि २२ टिमको सहभागिता रहने प्रतियोगिताका संयोजक याम गुरुङले बताए ।
प्रतियोतामा उपाधि जित्ने टिमलाई नगद ५० हजार नगद साथमा शिल्ड, मेडल र प्रमाणपत्र प्रदान गरिने आयोजक क्लबले जनाएको छ । उपविजेताले नगद २५ हजार र तेस्रो हुनेले १० हजार नगद साथमा शिल्ड, मेडल र प्रमाणपत्र पुरस्कार प्राप्त गर्नेछन् ।
यस्तै प्रतियोगितामा उत्कृष्ट खेलाडी र गोलकीपरलाई ट्रफी तथा खेलकुद सामाग्री पुरस्कार स्वरुप प्रदान गर्ने आयोजक क्लबका सचिव सुजन पौडेलले बताए ।
राष्ट्रको फुटबल खेलको विकास, खेलाडीको स्तर वृद्धि तथा आपसमा भाइचारा सम्बन्ध बढाउने उद्देश्यले प्रतियोगिता आयोजना गरेको क्लबले जनाएको छ ।
