काठमाडौं ।

एमालेको महाधिवेशनको निम्तो पाएका नेकपा (माओवादी केन्द्र)का अध्यक्ष पुष्पकमल दाहाल(प्रचण्ड) नजाने भएका छन् ।

भोली चितवनमा हुने एमालको १० औँ महाधिवेशनको उद्घाटन सत्रमा प्रचण्ड जान नभ्याउने बताइएको छ । प्रचण्डको पूर्वनिर्धारित कार्यक्रम रहेकाले उनी सहभागी नहुने माओवादी केन्द्रका नेता नारायणकाजी श्रेष्ठले जानकारी दिएका छन् ।

भोली श्रेष्ठ र प्रचण्ड अन्तै कार्यक्रममा जाने भएकाले चितवन जान नसक्ने भएको बताइएको छ । पार्टीको प्रतिनिधि बनेर को जाने भन्ने टुंगो नलागेको जनाइएको छ ।

प्रचण्डको सचिवालयका अनुसार प्रचण्ड भोलि काभ्रेका दुई कार्यक्रममा सहभागी हुँदैछन्।एमालेको महाधिवेशन उद्घाटनमा प्रचण्ड जान्छन् कि जान्नन् भन्ने आमचासो थियो।