पोखरा ।
नेकपा (माओवादी केन्द्र) का केन्द्रीय सदस्य तथा रुपन्देहीका ईन्चार्ज रामप्रसाद बन्जाडेको निधन भएको छ । सवारी दुर्घटनामा परि बुधबार बिहान उनको निधन भएको हो ।

बन्जाडे सवार लु २६ प ५८९८ नम्बरको मोटरसाइकललाई मंगलबार राति बुटवलबाट पश्चिमतर्फ जाँदै गरेको ना ७ ख ९०६ नम्बरको बसले जितगढीमा ठक्कर दिँदा उनको निधन भएको प्रहरीले जानकारी दिएको छ ।

जिल्ला प्रहरी कार्यालय रुपन्देहीका अनुसार बसको ठक्करबाट गम्भीर घाइते बन्जाडेको लुम्बिनी सिटी अस्पतालमा उपचारको क्रममा आज बिहान निधन भएको हो ।

दुर्घटनामा मोटरसाइकलका चालक पाल्पा रामपुरका जीतबहादुर थापा घाइते छन्। उनको लुम्बिनी सीटी अस्पतालमै उपचार भइरहेको छ।