पोखरा ।
बागलुङमा जिपको ठक्करबाट एक जनाको ज्यान गएको छ भने ६ जना घाइते भएका छन् ।
आज दिउँसो १२ बजेको समयमा जिपले ३ मोटरसाइकल र स्कुटरलाई एकैपटक ठक्कर दिदाँ एक बालकको ज्यान गएको प्रहरी प्रदेश कार्यालय पोखराले जानकारी दिएको छ ।
जिपको ठक्करबाट बागलुङको तमानखोला गाउँपालिका–२ भैरबुङ बस्ने ८ वर्षीय जोन श्रिपालीको मृत्यु भएको हो ।
शुक्रबार दिउसो अन्दाजी १२ः०० बजे बागलुङ ढोरपाटन –१ स्थित नेपाल बैक चोकमा पार्किङ गरेर राखेको जिप चलाउदा जिपले अन्य सवारीलाई ठक्कर दिएको हो ।
प्रहरीका अनुसार ढोरपाटन १ का २७ वर्षीय मन बहादुर मल्लले चलाएको ग २ च ५९८१ न.को जिपले पार्किङ गरी राखिएको लु ३२ प ४८१२, बा ५९ प ९६२०, ध २ प ३९८८ न.को मोटरसाइकल तथा स्कुटरसहित ७ जना मानिसहरूलाई ठक्कर दिँदा बालकको ज्यान गएको हो ।
