चितवन ।
नेकपा एमालेका अध्यक्ष केपील ओलीले एमाले सिध्याए भनेर दंग नपरे हुन्छ भन्दै प्रचण्डप्रति कटाक्ष गरेका छन् ।
चितवनको पटिहानी कार्यकर्ता भेटघाटका लागि पुगेका ओलीले प्रचण्डलाई आफुहरुले नै जिताएको र अबको चुनावमा कसले जिताईदेला भनेर भौतारिएर हिडेको भन्दै एमाले सिध्याए भनेर नहौसीन सुझाव दिएका हुन् ।
नेकपा एमालेको नेतृत्व रहेका सबै प्रदेशमा सरकार ढलेको छ । हाल एमाले पूर्ण प्रतिपक्षीको रुपमा रहेको छ । चारै प्रदेशमा सरकार ढलेपश्चात नेकपा एमालेका अध्यक्ष केपी शर्मा ओलीले प्रतिक्रिया दिदैँ एमाले नेतृवको प्रदेश सरकार ढले पनि एमाले नै पहिलो दल भएको दावा गरेका छन् ।
ओलीले देश बनाउने एमालेको संकल्प, काम र योगदान देखेर अत्तालिएकाहरुले अनेक षडयन्त्र गरेर सरकार हटाएको बताए ।
