काठमाडौं ।
नेकपा एमालेको देशैभरिका वडाहरूमा भोलि शनिबारदेखि पार्टीको अधिवेशन सुरु हुदैँछ । तर, यही हप्ता आएको बाढी–पहिरोबाट प्रभावित जिल्लाका वडाहरूको अधिवेशन भने पछि सर्ने भएको छ।
बिहीबारको स्थायी कमिटी बैठकमा दसौँ महाधिवेशनका विषयमा छलफल केन्द्रित भएको र सो क्रममा अढी पहिरोको चपेटामा परेका वडाहरूको अधिवेशनहरू पछि सार्ने बारे छलफल भएको बताइएको छ ।
नेकपा एमालेले आगामी मंसिरमा पार्टीको दसौं राष्ट्रिय महाधिवेशन चितवनमा गर्ने भएको छ । यसअघि बुटवलमा गर्ने भनिएको महाधिवेशन चितवनमा सार्ने निर्णय बिहीबारको बैठकले गरेको हो ।
स्थायी कमिटीको बैठक आज पनि बस्दैछ ।
