काठमाडौं । साफ च्याम्पियनसिप फुटबलको फाइनल खेलमा नेपालका मुख्य प्रशिक्षक अब्दुल्लाह अलमुताइरीलाई प्रतिबन्ध लगाइएको छ ।
माल्दिभ्समा जारी साफ च्याम्पियनसिप फुटबल अन्तर्गत भारतविरुद्धको फाइनलमा नेपालका मुख्य प्रशिक्षक अब्दुल्लाह अल्मुताइरीले ‘डगआउट’ मा बस्न पाउने छैनन् ।
दुई पहेलो कार्डको कारण अल्मुताइरीले टेक्निकल एरियामा बस्न नपाउने भएका हुन् । प्रशिक्षक अल्मुताइरीले लिग चरणमा श्रीलंका र बंगलादेशविरुद्ध पहेलो कार्ड पाएका थिए ।
यस्तै नेपालका फरवार्ड अन्जन विष्टले समेत भारतविरुद्धको फाइनल खेल गुमाउने छन् । दुई पहेलो कार्डकै कारण अन्जनले फाइनल गुमाउने भएका हुन् ।
