पोखरा ।
पोखराको छुट्टाछुट्टै स्थानबाट गरि १८ जुवाडे पक्राउ परेका छन् । ८० हजार १२० नगद सहित उनीहरु पक्राउ परेका हुन् ।
पोखरा महानगरपालिका–१९ गैरीखोरकी बिना पुनको घरमा तास खेलिरहेको अवस्थामा ९ जना हिजा(आइतबार) साँझ पक्राउ परेको जिल्ला प्रहरी कार्यालय कास्कीले जानकारी दिएको छ ।
लामाचौर बस्ने अन्नपूर्ण गाउँपालिका घर भएका ६२ वर्षीय याम गुरुङ लगायत अन्य ९ जनालाई प्रहरीले पक्राउ गरेको हो । अन्य ८ को नाम प्रहरीले खुलाएको छैन । उनीहरुको साथबाट नगद ३४ हजार ३ सय ७० रुपैयाँ र ३ बुक तास बरामद भएको प्रहरीले जनाएको छ ।
यस्ते पोखरा १९ लामाचौर बस्ने हरिमायाँ पुनको घरमा तास खेलिरहेको अवस्थामा ९ जना पक्राउ परेको प्रहरीले जनाएको छ । सोही ठाउँ बस्ने माछापुच्छ्रे गाउँपालिका घर भएका २७ वर्षीय राजु पुन लगायत ९ जनालाई आइतबार साँझ प्रहरीले पक्राउ गरेको हो ।
जिल्ला प्रहरी कार्यालय कास्कीबाट खटिएको प्रहरीले उनीहरुलाई नगद ४५ हजार ७ सय ५० रुपैयाँ र ३ बुक तास सहित फेला पारी पक्राउ गरेको हो ।
उनीहरुमाथि थप अनुसन्धान भइरहेको प्रहरीले बताएको छ ।
