काठमाडौं ।
प्रदेश २ का मुख्यमन्त्री लालबहादुर राउतले विश्वासको मत लिने भएका छन् । उनी मुख्यमन्त्री निर्वाचित भएको दल जनता समाजवादी दल विभाजित भएपछि उनले विश्वासको मत लिन लागेका हुन् ।
आज बुधबार बसेको मन्त्रिपरिषद्को बैठकले असोज २० गतेको लागि प्रदेश सभाको विशेष अधिवेशनमा उनले विश्वासको मत लिने बताइएको छ । असोज २० गते प्रदेश सभा अधिवेशन आह्वानको लागि बैठकले प्रदेश प्रमुखसमक्ष सिफारिस गरेको छ ।
१०४ सदस्यीय प्रदेश सभामा जसपाका ३९, कांग्रेसका १९, माओवादीका ८ सांसद छन् । नेकपा एकीकृत समाजवादीका १३ सांसद छन् ।
संविधानको धारा १८८ को उपधारा २ मा मुख्यमन्त्रीले प्रतिनिधित्व गर्ने दल विभाजित भए वा प्रदेश सरकारमा सहभागी दलले आफ्नो समर्थन फिर्ता लिए ३० दिनभित्र विश्वासको मतका लागि प्रदेश सभासमक्ष प्रस्ताव राख्नुपर्ने संवैधानिक व्यवस्था छ ।
